فيلم : نوض تنعس
أسامة رمزي
المشهد الأول
الأم في جدال مع إبنها الذي لا يريد الخلود إلى النوم
الأم : نوض تنعس يا هاد الولد
الإبن : ما فياش بلاتي شوية
الأم : آجي ا خويا هضر مع ولدك
الأب : نوض تنعس راك قاري غدا
الإبن : ما فياش واش نعس بزز
( ينهض الأب بسمطته و يسلخ إبنه هذا الأخير ينام متنخسسا )
المشهد الثاني
*الحكومة ( إغلاق مدارس الدار البيضاء إلى إشعار آخر )
الأب : دابا هاد الولد الي سلخناه غا هاكاك اش غا نديرو معاه غدا
الأم : سلخناه ؟ قول سلختيه أنا قلت ليك غا هضر معاه
الأب : إيييه دابا أنا السبب ا لالة ما بقيتش نهضر معاه غدا هضري معاه نتي
المشهد الثالث
الساعة تشير إلى السابعة صباحا ! الإبن مستيقظ منتفخ العينين . الأب و الأم في نوم عميق
الإبن : ماما فين شكارتي
الأم : سير تنعس ما كاينة قراية
الإبن : وا ماما فين شكارتي
الأم : نوض هضر مع ولدك
الأب : سير تنعس را قالت ليك ما كاينة قراية
الإبن : واش باغيين تحمقوني ؟ علاش ولدتوني أنا عيييت منكم
( ينهض الأب بسمطته و يسلخ إبنه هذا الأخير يعود للنوم متنخسسا )
